Beserings knou Boland voor Pampas-Stryd
Die Regent Boland Kavaliers sit eerskomende Saterdag sy Vodacombeker-veldtog voort wanneer hulle teen die Argentynse span, die Pampas XV, op die Boland Stadion in Wellington kragte meet.
Dit sal die eerste keer wees dat die Kavaliers vanjaar op hul tuisveld meeding ná die speel-oppervlak van die Boland Stadion onlangs nuut oorgedoen is. Die Kavaliers se vorige twee Vodacombeker tuiswedstryde was aangebied te Ceres (vs WP) en Robertson (vs SWD).
Hoewel die Kavaliers uitgehonger sal wees vir ‘n wedstryd op die Boland-stadion (en boonop kans sien vir enige opponent op hul tuisveld) moes afrigter Abe Davids vandeesweek kopkrap oor sy spankeuse, aangesien ‘n grrot aantal senior-spelers en spelers in spesialis-posisies nie beskikbaar is nie weens beserings.
In die kaptein Ashton Constant, Rossouw Kruger (albei stutte) en Chris Buckle (haker), sit die Kavaliers met ‘n hele voorry (en heelwat ervaring) wat krank is. Junior Bester neem die kapteinskap oor by Constant.
Agterlangs sal Boland ook moet klaarkom sonder een van sy staatmakers die seisoen, die senter Albert Trytsman. Trytsman het ligamente in sy been beseer tydens ‘n oefen-sessie en sluit hom nou aan by Adie Jacobs (senter) wat vroeër die seisoen ‘n skouerbesering opgedoen het.
‘n Sege oor die Pampas sal die Kavaliers egter weer goed op dreef plaas om die uitspeelrondtes van die kompetisie te haal, ná hulle twee naweke gelede, teen alle verwagtinge, vasgeval het teen die SWD Arende.
Die wedstryd skop Saterdag om 16:00 af. Toegangsgelde by die Boland-stadion beloop teen R20 vir volwassenes en R5 vir skoliere.
Verskeie Boland Interstreek- en junior-wedstryde sal in die aanloop tot die Vodacombeker wedstryd op CPUT, Wellington en die Boland-B veld beslis word. Sien wedstrydbepalings onderaan. Die Presidentsliga Wynland en Noordweste sal in ‘n voorwedstryd vir die Kavaliers vs Pampas wedstryd (op die Boland-stadion) in aksie wees om 14:00.
KAVALIERS SPAN:
15. Jacquin Jansen
14. Cheslin Roberts
13. Garth April
12. Braam Gerber
11. Brendon April
10. Ricardo Croy
9. Lucky (Ntando) Kebe
8. Alwyn (Junior) Bester (k)
7. Thor Halvorsen
6. Franzel September
5. Nolan Clark
4. Benjamin Venter
3. Francois Hanekom
2. Marko Janse van Rensburg
1. Johannes Kleinhans
16. Ulrich Pretorius
17. Callie Steenkamp
18. PJ van Zyl
19. Bradley Fortuin
20. Andries Truter
21. Cheswin Williams
22. Tythan Adams
PAMPAS XV SPAN:
15. Matias Masera
14. Juan P Estellas
13. Matias Orlando
12. Javier Rojas
11. Manuel Montero
10. Santiago Gonzales Iglesias
9. Tomas Cubelli
8. Leonardo Senatore
7. Benjamin Macome
6. Tomas de La Vega
5. Mariano Galarza (k)
4. Tomas Vallejos
3. Ariel Castellina
2. Emiliano Coria
1. Francisco Piccinini
16. Martin Garcia Veiga
17. Ramiro Herrero
18. Rodrigo Bruno
19. Rodrigo Baez
20. Martin Landajo
21. Benjamin Madero
22. Jeronimo de la Fuente
Related Posts
« Andries Bekker the first DHL Stormers player to reach the 100-game milestone David Maidza discusses the Eastern Province Kings team named against Free State »
