Vodacombeker opwarmingswedstryd teen die Kings

Mar 5 • General News, Vodacom Cup • 2851 Views • Comments Off on Vodacombeker opwarmingswedstryd teen die Kings

Hoewel die Vodacombeker-kompetisie hierdie naweek met vier wedstryde vir die 2015-seisoen afskop, sal die Toyota Vrystaat Cheetahs XV se ondersteuners tot Vrydag 20 Maart moet wag om te sien hoe húl span vanjaar gaan vaar.

Die Vrystaters is weer in die Suidelike Afdeling ingedeel, maar vanjaar sal ons westelike buurman, Griekwas, wat die Vodacombeker in 2014 ‘n vyfde keer ingepalm het en tóé in die Noordelike Afdeling gespeel het, óók in dié afdeling meeding.

Die Namibiese span, Welwitchias, sal vanjaar in die plek van die Keniaanse span aan die kompetisie in die Noordelike Afdeling deelneem, daarom dat Griekwas nou in Suide die Vodacombeker moet verdedig.

Die indeling van die twee afdelings is:

Noordelike Afdeling – Blou Bulle, Goue Leeus, Griffons, Luiperds XV, Limpopo Blou Bulle, Pumas, Valke, Welwitschias .

Suidelike Afdeling – Boland Kavaliers, Grens Bulhonde, OP Kings, Toyota Vrystaat XV, Griekwas, Haaie XV, SWD Arende, Westelike Provinsie.

Die Toyota Vrystaat XV se Vodacombeker-program is:

20 Maart – SWD Arende (George); 28 Maart – Boland Kavaliers (Clive Solomon-stadion, Heidedal); 11 April – Haaie XV (Kokstad-rugbyklub); 18 April – OP kings (Vrystaat-stadion, Bloemfontein); 25 April – Grens Bulhonde (BCM-stadion, Oos-Londen); 2 Mei – Westelike Provinsie (Vrystaat-stadion, Bloemfontein); 9 Mei – Griekwas (GWK-park, Kimberley); 15 Mei – Kwarteindrondte; 22 Mei – Halfeindrondte; 30 Mei – Eindstryd.

Die Toyota Vrystaat Cheetahs XV span wat op Vrydag, 6 Maart om 19:00 teen die Kings speel se span in die Nelson Mandela Baai Stadionin Port Elizabeth speel, lyk soos volg:

1	Caylib Oosthuizen
2	Ryno Barnes (K)
3	Luan de Bruin
4	SJ Roux
5	Devon Oosthuisen
6	Wayven Smith
7	Jasper Wiese
8	Vince Jobo
9	Shaun Venter
10	Coenie van Wyk
11	Elvin Brandt
12	Joubert Engelbrecht
13	JP du Plessis
14	Lorenzo Gordon
15	Sino Ganto

16	Joseph Dweba
17	George Marich
18	Armand Du Preez
19	Johan Grundlingh
20	Louis Venter
21	Noel Marx
22	Enver Brandt
23	Reinardt Erwee
24	Henco Greyling
25	Peet Coetzee
26	Renaldo Meyer
27	Kevin Stevens